Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Озарбайжон президенти Илҳом Алиев Зангилан шаҳри ҳамда Физули, Жабройил, Ҳўжавенд (собиқ Мартуни) ва Зангилан туманларида 24 та қишлоқ озод этилганини маълум қилди. Бу ҳақида Илҳом Алиев AzTV давлат телеканали орқали намойиш қилинган миллатга мурожаатида баёнот берди.
Туркия Президенти ИҲТ мамлакатлари дин ишлари бошқармалари раҳбарларига мурожаат қилди. Ислом дунёси учун бу оғир даврда мусулмонлар бир-бирларини янада диққат билан тинглашлари ва яқиндан мулоқотда бўлишлари лозим.
Саудия Арабистони ва Исроил ўртасидаги муносабатлар нормаллаштирилиши мумкин, бироқ Фаластин-Исроил музокараларини бошлаш устувор бўлиб қолаверади. Бу ҳақида АҚШ га ташрифи давомида Яқин Шарқ сиёсати Вашингтон институтига берган интервьюда қироллик ташқи ишлар вазири Фейсал бен Фархан ал Сауд.
Келиб чиқиши Чеченистонлик бўлган 14 ёшли Дени Эскиев Германиянинг Засниц шаҳрида топкирлик ва жасорат намойиш этади. У кўп қаватли уйнинг томида олов кўргач, ёнғиндан ҳимоя қилиш тизимига қўнғироқ қилди ва шу уйда яшовчи барчани огоҳлантирди. Шаҳар мэри ёш қаҳрамонни тақдирлаш ниятида, хабар қилади ИА dosh.
Латвиянинг НАТО парламент Ассамблеясидаги делегацияси раҳбари Александрс Кирштейнснинг айтишича, октябрь ойи бошида НАТО парламент Ассамблеясининг вебинари – Тоғли Қорабоғ масаласи бўйича масофавий учрашув бўлиб ўтган.
Икки муқаддас масжид Бош бошқармаси Катта масжидни дезинфекция қилиш учун фойдаланиладиган роботлар сонини кўпайтиришини маълум қилди. Ҳар куни Катта масжидни хавфсиз ва соғлом муҳит яратиш мақсадида дезинфекция қилиш учун 4500 литрдан ортиқ восита ишлатилади.
«Терроризмга қарши қатъий гапирар эканман, мўминларнига иғво қилиб фитна чиқармасликка чақираман». Рамзон Қодиров - Париж яқинида ўқитувчининг ўлдирилгани ҳақида
Франция полицияси мамлакат президенти Эммануэл Макроннинг исламофобик риторикасини очиқ қоралаган мусулмон ташкилотларидан бирининг асосчисини ҳибсга олди. BarakaCity ташкилоти асосчиси Идрис Сихамеди уйига полиция рейди бир нечта ижтимоий тармоқларда намойиш этилди – видеода Сихамеди тўрт фарзандининг кўз ўнгида калтакланиши ва ҳибсга олиниши акс этганди.
Париждан 27 километр масофада жойлашган Конфлан-Сент-Онорин шаҳрида маҳаллий коллежда тарих ўқитувчисининг боши танидан жудо қилинди, деб хабар беради Le Monde. Le Figaro ва Actu17 ёзишича, машғулотлардан бирида у талабаларга Расулуллоҳ соллаллоҳу алайҳи васалламга карикатуралар кўрсатган. Le Monde дарс сўз эркинлиги ҳақида борганлигини аниқлаштирди.
Хитой ҳукумати мамлакат мусулмонлари учун ҳаж зиёратини ташкил этиш ва ўтказиш қоидаларига ўзгартиришлар киритди. "Times" газетаси хабар қилишича, мусулмонлар учун муқаддас жойларга хусусий ҳаж сафарлари уюштириш энди тақиқланади ва бундай тадбирларнинг барчаси Хитой Давлат Ислом уюшмаси орқали рўйхатга олиниши керак.
Қирғизистон раҳбари Сооронбай Жээнбеков истеъфога чиқди. Бу ҳақида президент маъмуриятининг сайтида хабар қилинди. «Мен ҳокимиятга ёпишиб олмайман. Мен Қирғизистон тарихида қон тўкиб, ўз фуқароларига ўқ отган Президент сифатида қолишни истамайман <…> Шу сабабли истеъфо ҳақида қарор қилдим. Ҳеч қандай ҳокимият мамлакатимиз яхлитлиги ва жамиятдаги тотувликдан устун эмас», - деди Жээнбеков.
Дунё мусулмон олимлар иттифоқи ёзма баёнотда Озарбайжон ва Арманистонни конструктив мулоқот орқали муаммоларни ҳал қилишга чақирди: "Биз икки қўшни давлатни бир-бирининг чегараларини ҳурмат қилишга, уруш ва қон тўкилишини тўхтатишга чақирамиз".
Чоршанба куни тунда йўқ қилинган ракеталар Озарбайжондаги тинч шаҳарларга қаратилган эди. Озарбайжон қуролли кучлари 14 октябрга ўтар кечаси Арманистон армиясининг тезкор-тактик ракета комплексларини йўқ қилди. Бу ҳақида Озарбайжон Мудофаа вазирлиги матбуот хизмати хабар қилади.