Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Ливан пойтахтининг денгиз портида портлашдан кейин тартибсизликлар бошланди. Ливан пойтахти Байрутда хавфсизлик кучлари намойишчиларни мамлакат парламенти биносидан нарига сиқиб чиқардилар. Маълум қилинишича, тартиб посбонлари намойишчиларни тарқатиш учун кўздан ёш оқизадиган газ ишлатишган.
Белоруссияда президент сайловлари бўлиб ўтди, чунки уларда сайловчиларнинг 50% дан ортиғи овоз берди, деди МСҚ раиси Лидия Ермошина. 13:20 га келиб (Москва вақти билан бир вақтга тўғри келади) сайлов участкаларида иштирок этганлар 54.57% ни ташкил этди. Бугун, 9 август, асосий овоз бериш куни ҳисобланади. 4-августдан 8-августгача муддатидан олдин овоз бериш мумкин эди.
Бирлашган Араб Амирликлари соғлиқни сақлаш ва профилактика вазирлиги мамлакатда COVID-19 билан оғриган беморларнинг қайта тиклаш даражаси дунёдаги барча мамлакатлар орасида энг яхши кўрсаткичлардан бири, яъни 90% ни ташкил этди, деб хабар қилади.
Афғонистонда 10 миллионга яқин киши янги турдаги коронавирус (COVID-19) юқтириб олган, хабар қилди матбуот анжуманида мамлакат соғлиқни сақлаш вазири Ахмад Джавад Османи. Вазирнинг сўзларига қараганда, АҚШ Джонс Хопкинс университети ва Жаҳон соғлиқни сақлаш ташкилоти (ЖССТ) кўмагида Афғонистонда COVID-19 юқтириш ҳолатлари сонини аниқлаш борасида янги тадқиқот бошланди.
2020 йилнинг 12-13 август кунлари Самарқанд шаҳрида «Ёшлар 2020: глобал ҳамжиҳатлик, барқарор ривожланиш ва инсон ҳуқуқлари» мавзусида инсон ҳуқуқлари бўйича веб-форум бўлиб ўтади, хабар қилади Ўзбекистон Республикаси Инсон ҳуқуқлари бўйича миллий марказнинг матбуот хизмати.
БАА соғлиқни сақлаш вазирлиг ўз биноси фасадини коронавирус пандемияси вақтида одамлар ҳаётини қутқариш учун ўз хавфсизлигини қурбон қилган шифокорлар ва тиббиёт ходимларининг фотосуратлари билан безатилди. Уларнинг қиёфаси ҳорғин кўринишда, юзлари ниқоб ва кўзойнаклар билан беркитилган, лекин уларнинг ортидан ҳам табассум қилиб турганлиги кўринади. Янги акция туфайли вазирлик биносининг асади пандемияга қарши курашчилар «Шон-шуҳрат девори»га айланди.
АҚШ Президенти Дональд Трамп агарда улар америка компанияларига сотилмаса, 45 кун ичида АҚШда TikTok ва WeChat тақиқланиши ҳақида фармон имзолади. Фармон Хитойнинг TikTok машҳур ижтимоий тармоғининг эгаси - ByteDance компанияси билан ҳар қандай битимларни тақиқлайди. Худди шундай чоралар WeChat эгаси бўлган Хитойнинг Tencent технология компаниясига нисбатан ҳам қабул қилинади.
Ливан Бош вазири Хасан Диаб «кўп йиллик коррупция» ва хўжасизликни 4 август куни Байрут шаҳрида рўй берган портлашларнинг сабаби деб айтди. Унинг сўзларини Al Arabiya телеканали маълум қилди. Бош вазирнинг фикрига кўра, мамлакат инқироз ҳолатида турибди ва парламентга муддатидан олдинги сайловлар бундай вазиятдан чиқиб кетишнинг йўли бўлиши мумкин. Бош вазир мос келувчи қонун лойиҳасини Вазирлар кенгашига киритишни ваъда қилди.
Хитой БМТ Хавфсизлик Кенгаши Эронга қарши қурол эмбаргосини узайтириш учун АҚШ ташаббусига қарши чиқмоқда, деб айтди Хитой ташқи ишлар вазирлиги матбуот котиби Ван Вэньбин. Аввалроқ АҚШ Давлат котиби Майк Помпео АҚШ Эронга қарши қурол эмбаргосини узайтириш учун БМТ Хавфсизлик Кенгаши резолюцияси лойиҳасини тайёрлаганини, ҳужжат келаси ҳафта кўриб чиқилишини айтган эди.
Тожикистонда президент сайлови 11 октябрда бўлиб ўтади, хабар қилишди РИА «Новости»га парламент юқори палатаси раисининг аппаратида. Сайлов ўтказиш санаси ҳақидаги қарор бир овоздан қабул қилинди. "Тожикистон президенти сайлови куни жорий йилнинг 11 октябрь санасига белгиланди, бу ҳақида қарор Тожикистон парламенти иккала палатасининг қўшма мажисида қабул қилинди", – деди агентлик ҳамсуҳбати.
Июнь ойида Адигейлик фотограф Дмитрий Воиновнинг олган сурати халқаро фототанловда бош совринни қўлга киритди. Discovery танлови июнь ойида Ҳиндистонда бўлиб ўтди, энг яхши асарлар онлайн кўргазмада намойиш этилади, деди Адигей фотографлар уюшмаси раиси Аркадий Кирнос Юга.ру порталига.
Россия Президенти коронавирус туфайли такрорий чекловлар жорий қилишдан қочишга ҳаракат қилиш зарурлигини таъкидлади. Россия Президенти Владимир Путин мамлакатда коронавирус инфекциясини юқтириб олиш ҳолатлари сони камайганлигини қайд этди, лекин вазият исталган томон ўзгариши мумкинлигидан огоҳлантирди, хабар қилади ТАСС.
COVID-19 туфайли бугунги келиб Эронда 140 дан ортиқ соғлиқни сақлаш тизими ходими вафот этди. Шу кунгача Эронда 6 мингдан ортиқ тиббиёт ходими янги турдаги коронавирус инфекцияси (COVID-19) юқтириб олган. Бу ҳақида ISNA ахборот агентлиги ЭИР Тиббиёт кенгаши раҳбарининг муовини Али Феттахига таяниб маълум қилди.