Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Туркия янги турдаги коронавирус (Kovid-19) тарқалишига қарши курашда Хитойга ёрдам кўрсатяпти. Туркия соғлиқни сақлаш вазирлиги Хитойга тиббиёт ходимлари учун 2000 та ҳимоя комбинезонлари ва 2000 та фильтрли ниқоб тақдим этди. Бу ёрдам Хитойнинг Анқарадаги элчихонасига топширилди.
Ўткан кунлари Туркия парламентидаги ўзининг ҳукмрон партияси фракциясининг йиғилишида сўзга чиққан Ражаб Тоййиб Эрдўғон Суриянинг Идлибидаги вазият билан боғлиқ янги қатъий баёнотлар берди. Туркия президенти бу борада Россия билан сўнгги кунлардаги музокаралар муваффақиятсиз якунланганини ва шу сабабли уни куч билан ҳал қилишга тайёрланаётганини билдирди.
Баҳрайн суди ўтган ой АҚШ президенти Доналд Трампнинг Фаластин "тинчлик режаси"га қарши намойиши пайтида Исроил байроғини ёққани учун бир кишини уч йилга озодликдан маҳрум қилди. "Ёнаётган байроқлар транспорт ва аҳоли саломатлигига хавф туғдиради", - дейилади Баҳрайн суди қарорида.
Франция ички ишлар вазири Кристоф Кастанер кун тартибида ҳақида шарҳлар бўйича France Inter билан суҳбатлашди. Кастанернинг сўзларига кўра, чет элдан келган имомлар 2024 йилдан бошлаб Францияга кира олмайди. "Чет эллик имомлар Францияга 2024 йилдан бери кира олмайди", деди Кастанер, Туркия, Марокаш ва Жазоир бу борада хабардор бўлганлигини таъкидлаб, бундан ташқари, Кастанер бу йил Рамазон ойида Францияга келадиган имомлар сони камайишини таъкидлади.
Эронда коронавируснинг янги тури туфайли икки киши вафот этди. Бу ҳақда Твиттерда Эрон Соғлиқни сақлаш вазирлигининг жамоатчилик билан алоқалар бўйича масъул ходими Киянуш Жиханпур маълум қилди. Қум шаҳрида касалхонага нафас қисилиши ҳақида шикоят қилган ва янги турдаги коронавирус ташхиси қўйилган икки киши касалхонада вафот этди.
Германиянинг Франкфурт яқинидаги Ханау шаҳрида куролланган жиноятчи иккита чилимхонага ҳужум қилиб, тўққиз кишини ўлдирди. Полициянинг хабар қилишича, қотилликда гумон қилинаётган шахс пайшанба куни тонгда ўз уйида ўлик ҳолда топилган. Bild газетаси хабарларига кўра, жиноятчининг исми Тобиас Р. Бўлиб, у ўзининг ўльтра-ўнг қарашларини ифода этган хато ва видео қолдирган.
Американининг Юта штати иккала тарафнинг розиилигига асосланган кўп хотинлиликнинг жиноятлар қаторидан чиқарилишига яқин. Ахборот агентлигининг хабар беришича, штат қонунчилик мажлиси сенати қонун лойиҳасини дастлабки маъқуллашдан ўтказди. Унга кўра, фақат иккала тарафнинг розилиги билан қўлланадиган кўп хотинлилик Ютада жазоланадиган жиноят бўлмайди ва ҳуқуқбузарликлар қаторига ўтади.
АҚШ ҳарбий ҳаво кучлари раҳбарияти дресс-код қоидаларини янгилади. Мамлакат қуролли кучлари сафида хизмат қилиш истагида бўлган сикхлар ва мусулмонларга диний кийим-бош атрибутларига рухсат этилди. NEWS.ru маълум қилишича, салла ва ҳижоб ўраш шарти озода кўриниш ва консервативлик ҳисобланади.
Башар Асад режими парламенти пайшанба куни 1915-1917 йллар Туркияда рўй берган воқеаларни «арманлар геноциди» деб тан олди. «Парламент ... усмонийлар давлати томонидан 20-аср бошларида арманларга қарши содир этилган геноцидни тан олади ва қоралайди», - дейилади «Халқ йиғилиши» баёнотида.
Интернет тармоғида бош муфтий Талғат Тожуддин бошчилигидаги Россия Марказий Диний идора пленуми видеоси кенг тарқалди. Тадбир 2020 январида бўлиб ўтган ва муфтийлик матбуот хизматининг маълум қилишча, диний маориф масаласига бағишланган. Агар шу кунларда пайдо бўлган ҳамда кўплаб ижтимоий тармоқлар ва мессенджерлардаги гуруҳларни айланиб чиққан ролик бўлмаганида, у шунчаки муфтийлар йиғилиши бўлиб қолаверарди.
Туркияда одамнинг 2019-nCoV коронавирусига чанлинганини икки соат ичида аниқлашга имкон берадиган тест ишлаб чиқилди. Бу ҳақида мамлакат соғлиқни сақлаш вазири Фахреттин Хўжа хабар берди. «Бизнинг олимларимиз коронавирусни аниқлаш учун тест ишлаб чиқдилар. Натижа олиш тезлиги одатий тестлар билан таққослаганда тўрт бараварга қискариб, 90-120 дақиқани ташкил қилади», – вазирнинг шу сўзларини келтиради Haberturk телеканали.
Бугунги кунда Малайзияда коронавирус (nCoV-2019) юқтириб олган 3 киши даво топди. Малайзияда ушбу вирусни юқтириб олиш билан боғлиқ 17 ҳолат қайд этилганди. Шундан ўн икки киши хитойлик, 5 киши Малазия фуқароси. 9 февраль, кечки пайт, 63 ёшдаги Хитой фуқаросидан олинган таҳлил натижалари унинг тўлиқ тузалиб кетганини кўрсатди. У Куала-Лумпур касалхонаси изоляторида симптоматик даволаш курсини ўтаганди.
Роскомнадзор огоҳлантиради: Россияда «георгий тасмаси»ни эркаклар жинсий аъзосига боғлаш мумкин эмас
Роскомнадзор машҳур "Луркоморье" ресурсидан (Lurkmore.ru – норасмий, енгилтак ва беҳаё интернет-энциклопедия) жинсий аъзосида «георгий тасмаси» боғланган, икона, Россия байроғи билан суратга тушган қора танли эркакнинг расмини ўчириб ташлашни талаб килди.