Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Қурбон ҳайити муносабати билан Алмати шаҳар Марказий масжидида қиз-келинчаклар орасида «Ясин» сурасини ўқиш бўйича конкурс бўлиб ўтди. Конкурсни Қозоғистон Мусулмонлар диний идораси раиси муовини, ноиб муфтий Бауржан Есмахан очиб берди. Ноиб муфтий ўз нутқида Қуръони каримнинг фазилатлари, уни ўқиш ва ёд олишнинг афзалликлари, асосийси, унинг амрларига сўзсиз риоя қилиш ҳақида сўзлаб берди. Шунингдек, у конкурсда Қуръон ўқувчи қиз-келинчакларга омад тилади.
Бугун Қозоғистон Мусулмонлар диний идораси раиси, Олий муфтий Серикбай ҳожи Ўраз ташаббуси билан Алмати шаҳри Марказий масжидида «Мактабга йўл» хайрия акцияси ташкил қилинди. Ушбу тадбир доирасида кам таъминланган оилалардан 1000 та болага Қурбон ҳайити муносабати билан «Қурбон байрами қутлуғ бўлсин!» деб ёзилган совға қутилари ва керакли мактаб анжомлари солинган сумкалар топширилди.
Гонконгдаги воқеалар бутун дунё учун ҳам, мусулмонлар учун ҳам муҳим аҳамиятга эга, чунки дунёнинг иккинчи ўринда турадиган давлатида рўй бермоқда. Ислом дунёсида Хитойнинг уйғурларга нисбатан геноцид сиёсати учун қутулиб қолаётганининг сабаби мусулмонларда, агар бу қандайдир ЛГБТ бўлганида, умуман бошқача реакция кузатилган бўларди деган фикр кенг тарқалган.
Пайшанба куни Кашмирда Покистон ва Ҳиндистон ҳарбийлари ўртасида отишма бўлиб ўтди. Маълум қилинишича, уч нафар покистонлик ва беш нафар ҳиндистонлик аксар ҳалок бўлди. Шунингдек, икки нафаор Покистон фуқароси ҳалок бўлди. Жума куни Покистон армияси Ҳиндистон қўшинлари Кашмирдаги назорат чизиғи орқали яна отишма бошлагани, бир нафар аскар ҳалок бўлгани ва натижада 24 соатдан кам вақт ичида ҳалок бўлган покистонликлар сони олти кишига етганлигини маълум қилди.
Исроил ҳукумати америкалик конгресс аъзолари Рошида Талиб ва Илхон Умарнинг Қуддусга киришини тақиқлаш ҳақида қарор қабул қилди. Бу ҳақида "ал-Жазира" хабар беради. Бу аёллар АҚШ Конгрессига сайланган илк мусулмон аёллар ҳисобланади. Улар Фаластин халқини қўллаб-қувватлаш учун ҳаракат қилади.
АҚШ Миллий хавфсизлик кенгашининг Хитой бўлими директори этиб уйғур аёл Элнигор Илтебир тайинланади. Дональд Трамп Маъмуриятининг бу қарори ҳақида Foreign Policy хабар қилади. Миллий хавфсизлик кенгаши – АҚШ президенти ҳузурида ташқи сиёсат ва миллий хавфсизликнинг энг муҳим масалаларини ҳал қилиш, айтиб ўтилган масалалар билан боғлиқ барча асосий идора ва маҳкамалар ҳаракатларини мувофиқлаштириш бўйича маслаҳат берувчи органдир.
Руҳоний-поп, мулла, раввин, лама ва ҳ.к. – бўлиш истаги эркакларнинг асосий гармони, тестостерон етишмаслиги билан боғлиқ. Ҳар ҳолда, илмий изланишлар муаллифлари шундай деб таъкидламоқда. Хусусан, «Кубанский научный медицинский вестник» ихтисослашган журналида чоп этилган муаллифлар В.В. Еременко, В.Г. Абушкевич, Т.Н. Абушкевич ва Е.Г.Потягайлонинг "Соғлом эркак қонида тестостерон концентрацияси ва стрессга чидамлилик даражаси ўртасидаги боғлиқлик" сарлавҳаси остидаги мақолада ўтказилган тадқиқот натижалари келтирилган.
Инжилнинг «Азалда Калом бор эди» шиоридан фойдаланилар экан, KFC ресторанларига бориш – Исо Масиҳ душманларига ва динни таҳқирловчиларга хизмат қилишдир. Рус православ черковининг машҳур руҳонийси, Москванинг Никитск дарвозаси яқинидаги авлиё Феодор Студит ибодатхонаси игумени Всеволод Чаплин Федерал янгиликлар агентлигига берган интервьюсида шундай фикр билдирди.
Ўтган йилнинг худди шу даври билан таққослаганда 2019 йилнинг дастлабки олти ойи давомида хавфли ўсимталар туфайли ўлган россияликлар сони 1,5%га ошди ва 149 384 кишини ташкил қилди, хабар беради Росстат. Бунда Россияда бевақт ўлимнинг асосий сабаби аввалгидек, юрак-қон томир тизими касалликлари ҳисобланади – бу касалликлардан ярим йил ичида 441 299 киши вафот этди. Лекин бу ўтган йилги кўрсаткичдан бироз (0,7%) камдир.
Тўрт нафар вазир ушбу диний арбобни Малайзиядан чиқариб юборишни талаб қилганидан сўнг, Малайзия Вазирлар Маҳкамаси салафийлик тариқатидан машҳур мусулмон тарғиботчиси Зокир Найкнинг мамлакатда доимий яшаш масаласини кўриб чиқди.
Вазирларнинг ҳисоблашича, Найкнинг ваъз ва дунёқарашлари Осиёнинг ушбу кўпмиллатли мамлакатида исломни анъанавий тушунишга зид келади ва диний жамоатлар орасида ихтилофлар уйғотади, хабар Al Jazeera.
Хитой ҳукумати Шинжон-Уйғур автоном тумани ҳудудидаги «сиёсий қайта тарбиялаш» лагерлари тармоғидаги мусулмон халқлари аёлларини мажбурий стерилизация қилмоқда. Лагерларнинг собиқ маҳбуслари ҳибсга олиш даврида мажбурий равишда амалга оширилган номаълум уколлар ҳақида сўзлаб беришди.
15 август, пайшанба куни “Уральские авиалинии” компаниясининг Москвадан Симферополга йўл олган Airbus A321 самолётининг парвоз вақтида двигателига қушлар тўдаси кириб кетиши сабабли очиқ далада қўниши асосий янгилик бўлди. Лайнер бортида 226 та йўловчи Қримга йўл олганди, улардан ташқари еттита экипаж аъзоси бор эди.
Ҳаж сафари давомида Макка шаҳри туғруқхонасида 5 нафар, Арофатда – 2 нафар, Минада яна битта чақалоқ туғилди, деб хабар қилади IslamNews сайти ArabNews га ҳавола қилган ҳолда. Ливиялик 40 яшар зиёратчи Сауд Муҳаммад Барбуш Арофат касалхонасида ўғил кўрди ва уни машҳур тоғ шарафига “Арафа” деб атади.