Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
БМТ терговчиси Мьянма армияси мамлакатнинг мусулмон минтақалари аҳолисига нисбатан оммавий равишда инсон ҳуқуқлари бузилишини давом эттираётган эканлигидан огоҳлантирди. БМТ нинг Мьянма бўйича махсус маърузачиси Янги Лининг сўзларига қараганда, инсон ҳуқуқларининг қўпол равишда бузилиши Ракхайн штатида ва Чин штатининг айрим қисмларида интернет ва уяли алоқанинг узиб қўйилиши ниқоби остида жиддий кўламга эга бўлди, бунда минтақалардан маҳаллий аҳолидан ташвишли хабарлар келмоқда.
Россия ва АҚШ икки мамлакатнинг сувости кемалари ўртасида жанговар тўқнашув бўлгани туфайли шошилинч маслаҳатлар ўтқазмоқда. Бундай ахборотни Исроилнинг ҳарбий ахборотларга ихтисослашган DEBKAfile портали эълон қилди. Номи ошкор қилинмаган ҳарбий манбаларга ҳавола қилиб, нашрнинг хабар беришича, воқеа Аляска яқинидаги Америка ҳудудий сувларида, АҚШ сувости кемаси Россия атом сувости кемасини тутиб олишни амалга оширганда рўй берди.
Ўзбекистон қуролли кучларининг ҳарбий қудрати икки баробар ўсди, жанговар самарадорлик эса 10-12%га, деб хабар беради «Фергана» нашри 28 июнь куни матбуот анжумани ўтказган Ўзбекистон Республикаси Мудофаа вазирлигига ҳавола қилган ҳолда.
РБК маълумотларига кўра, 1 июль куни ёнғин рўй берган чуқур сув остида ҳаракат қиладиган аппарат – бу "Лошарик" номи остида маълум бўлган АС-12 атом сувости кемасидир. 14 нафар россиялик денгизчи ҳалок бўлди. 1 июль куни ёнғин рўй берган чуқур сув остида ҳаракат қиладиган аппарат - "Лошарик" номи остида маълум бўлган АС-12 атом сувости кемаси ҳисобланади. Бу ҳақида РБК хавфсизлик структураларидаги манбаларга ҳавола қилган ҳолда хабар берди.
Яқин Шарқдаги урушлар 2010 йилдан бошлаб 900 млрд доллар иқтисодий йўқотишлар келтирди, деб айтади Жаҳон банкининг юқори мансабдаги вакили душанба куни. Жаҳон банки гуруҳининг катта вице-президенти Маҳмуд Муҳиддин 2030 йилгача бўлган даврда ривожланиш, БМТ билан ҳамкорлик алоқалари ва муносабатлар соҳасида кун тартибида маълум қилдики, 2010 ва 2018 йиллар оралиғида араб мамлакатларидаги низолар вайронагарликлар ва қўлдан чиқарилган ривожланиш имкониятлари туфайли улкан иқтисодий йўқотишларга олиб келди, деб хабар беради Кувайт янгиликлар агентлиги.
Биз аввалроқ Тошкентда 21 июнь куни Сенат йиғилиши бўлиб ўтгани ҳақида хабар қилгандик. Йиғилишда Ўзбекистон раҳбари иштирок этди. Йиғилиш давомида асосий эътибор аёлларнинг жамиятдаги ролини кучайтиришга қаратилди. Президент яқин вақтларда бу борада иккита ҳужжат қабул қилинишини айтди. Бу ҳақда upl.uz сайти хабар қилди.
Данияда Вайле шаҳри мактабларидан бирида олинган видеоролик билан боғлиқ қизғин тортишувлар авж олмоқда. Видеоролик кадрида даниялик болалар синфи бу жараённи бошқараётган мусулмон бўлмаган аёл ўқитувчи ва дўппи кийган болакай ортидан араб тилидаги сўзлар ва ҳаракатларни такрорлаган ҳолда намоз ҳаракатларини адо этмоқда.
Буддавийлар маънавий етакчиси Далай-лама Европа ҳақиқий Европа бўлиб қолиши лозим, Африка ва мусулмон мамлакатларидан келган муҳожирлар эса келган жойига қайтиб кетиши лозим деган баёноти билан қизғин мунозараларга сабабчи бўлди. Буддавийларнинг 83 яшар етакчиси бу фикрни BBC билан суҳбатда, Ҳиндистоннинг Химачал-Прадеш штатидаги ўз уйидан туриб билдирди.
Мянма ҳукумати исёнчи Ракхайн штатида (Аракан) яшовчи бир миллиондан ортиқ одамни интернетга уланишдан маҳрум қилди. Қувғиндаги роҳинжа этник гуруҳи мусулмонлари айннан шу минтақада яшайди. Ракхайн штатида интернетни блокировка қилиш камида 21 июндан бери давом этмоқда.
Ёрдам кўрсатиш бўйича БМТ раҳбари сешанба куни маълум қилганидек, у тиббиёт муассасаларига бир қатор ҳужумлардан кейин Россиядан Суриядаги шифохона ва клиникалар жойлашуви ҳақида маълумотлардан қандай фойдаланаётгани ҳақида изоҳ беришни талаб қилган.
Франциянинг жанубий-шарқий қисмидаги иккита жамоатчилик бассейни жазирама иссиққа қарамай, буркини услубидаги аёллар чўмилиш кийимидан фойдаланиш билан боғлиқ жанжаллар туфайли ёпилди. Буркини кийган еттата аёл Alliance Citoyenne ҳуқуқни ҳимоя қилиш гуруҳи фаоллари ҳамроҳлигида якшанба куни Гренобль бассейнларига келиб, чўмилиш ҳуқуқини талаб қилди, гарчи мусулмон аёллар киядиган чўмилиш кийими муниципалитет томонидан тақиқланган бўлишига қарамай. Улар бу тақиқни дискриминация деб айтишди.
Қирғизистон парламенти (Жогоку кенеш) собиқ президент Алмазбек Атамбаевдан дахлсизликни олиб ташлаш учун овоз берди, хабар қилади 24.Kg нашри. Парламент йиғилишида бош прокурор Откурбек Джамшитов сўзга чиқди, бир нечта депутат эса ўз фикрини билдирди ва саволлар берди. Шундан кейин 103 депутат берилган таклиф учун, 6 та депутат эса – қарши овоз берди. Атамбаевни жиноий таъқиб қилишни бошлаш учун парламентнинг 80 нафар аъзоси овози талаб қилинади.
Малайзия коррупцияга қарши кураш агентлиги шармандали ишларга аралашиб қолган 1MDB давлат фондидан ўғирланган 270 миллион ринггит (65,1 миллион АҚШ доллари) маблағларни қайтариш бўйича суд жараёнини бошлади. Бундан ташқари, агентликнинг фикрига кўра, яна хорижда 5 миллиард доллар атрофида активларни қайтариш мумкин.