Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
АҚШ Конгресси аъзоси бўлган мусулмон аёл Илхон Умар яна можаро марказидан ўрин олди, бу сафар Умарнинг сўзларига ёпишиб олган New York Times газетаси сиёсатчи билан боғлиқ жанжални кучайтириб юборди. АҚШ Конгресси депутати ўтган ой Лос-Анжелесда америка-ислом муносабатлари бўйича Кенгаш (CAIR) бўлинмасида матбуот-анжуманида сўзга чиқиб, унинг айтган ибораларидан бири исламофоб нашрларининг эътиборини жалб қилди.
Швецияда «Ахборот технологиялари соҳасида йил қизи-2019» Microsoft мукофоти Эфиопиялик 21 яшар талаба қиз Эбтисам Муҳаммад Солиҳга топширилди, деб хабар қилади ummamag.kg. Ушбу мукофот 17 йилдан бери топшириб келинади. Microsoft сайтида маълум қилинишича, ундан мақсад ёш аёллар ва қизларни ахборот технологиялари соҳасида таълим олишга ариза беришга руҳлантириш ҳисобланади.
Миср парламенти бугун Абдулфаттоҳ Ас-Сисига ўз лавозимида 2030 йилгаа қолиш имконини берадиган мамлакат конституциясига ўзгариш киритиш учун овоз беради, дея хабар қилади Al Jazeera. Агар парламент бу тузатишларни маъқулласа, келгусида референдумга олиб чиқилади ва у бир ой муддат ичида ўтказилиши лозим бўлади, деб изоҳ берди парламент спикери Али Абделяль.
Тошкент шаҳар ички ишлар бош бошқармаси пойтахтда 9 май куни "Ўлмас полк" акцияси ва кўча бўйлаб юришларга ҳокимият рухсат бергани ҳақида маълумотга эга эмаслигини маълум қилди. ИИББ раддияси нимаси билан муҳим: сўнгги бир неча йилдан бери Vesti.uz, Podrobno.uz, Nuz.uz ва Sputnik Uzbekistan каби расман Ўзбекистонда рўйхатдан ўтган, лекин Россиянинг мафкурасини тарғиб қилиб келаётган ОАВлар 9 майда нишонланадиган Хотира ва қадрлаш куни арафасида бундай акция ва юришларга рухсат этилгани ҳақида луқма ташлаб келади.
Туркия 57 мамлакатга тиббий ускуналар экспорт қилмоқда, деди Туркия соғлиқни сақлаш Федерацияси раҳбари Рашит Динч. Унинг сўзларига қараганда, Туркияда ишлаб чиқарилган тиббиёт ускуналари импортчилари Европадаги деярли барча мамлакатлар, асосан, Германия, Буюк Британия, Нидерландия, Италия, Португалия ва Польша ҳисобланади.
Париждаги Нотр-Дам черкови ёниб кетиши ҳеч кимни бефарқ қолдирмади. Мутахассислар ёнғин келтириб чиқарган зарарни ҳисоб-китоб қилиб чиққунича черковни қайта тиклаш учун бутун дунё бўйлаб пул йиғила бошланди. Parisien газетасининг ёзишича, черковни тиклаш учун бир куннинг ичида 700 миллион евро йиғилган.
Тожикистон Ислом маркази уламолар Кенгаши мамлакатнинг ёш фуқароларини ҳарбий хизматдан бўйин товламасликка даъват қилди, давлат олдидаги ушбу бурчдан бўйин товлашни эса гуноҳ деб атади. Ислом марказининг сайтида эълон қилинган баёнот республикада бошланган баҳорги чақирув кампанияси давомида қилинди, дея хабар беради «Азия-Плюс».
АҚШ президенти Доналд Трамп Илхон Умарни 11 сентябрь терактларига енгилтаклик билан муносабатда қилиб кўрсатиш мақсадида атайлаб шундай монтаж қилинган видеони Twitter ижтимоий тармоғида жойлаштиргач, сиёсатчилар ва машҳур шахслар оммавий тартибда конгрессмен аёл Илхон Умарни қўллаб-қувватладилар.
Ўтган чоршанба куни Туркия пойтахти Анқарада ғайриодатий кафенинг очилиши бўлиб ўтди. Моҳир ошпазлар 40 метрлик кабоб тайёрладилар ва у билан уч мингдан ортиқ шаҳар аҳлини меҳмон қилдилар, деб ёзади Yeni Şafak. 30 нафар ошпаз икки соат давомида улкан кабоб тайёрлаш устида меҳнат қилиб, тўпланганларга ўз маҳоратларини намойиш этдилар. Махсус ушбу тадбир учун улкан қўра тайёрланди.
Саудия шўро Кенгаши никоҳдан ўтадиган келин-куёвлар учун мажбурий текширувлар жорий қилиш таклифи билан чиққан аёл – давлат арбобининг таклифини рад қилди. Кенгаш аъзоси Иқбол Дарандарий никоҳдан ўтишдан олдин соғлиқни мажбурий текшириш – гиёҳвандлик воситалари, генетик аномалияга таҳлил топшириш ва психиатр маслаҳатидан ўтишни таклиф қилди.
Германияда ўтказилган янги тадқиқот шуни кўрсатдики, ислом тарафдорлари бошқа дин вакилларидан кўра кўпроқ ҳамжиҳатлик ва бирлик намойиш этади ва бу уларни бахтлироқ ва соғломроқ қилади. Тадқиқот муаллифи, фан номзоди Лаура Эдингер-Шонснинг сўзларига кўра, илоҳий постулатлар, ҳаёт, дунё ва бошқа одамлар билан ҳамжиҳатлик туйғуси турли дин ва мазҳабларда рағбатлантирилади ва бу ҳамжиҳатлик «ҳаётдан қониққанлик даражасига сезиларли ижобий таъсир кўрсатади» деб таъкидлади у.
Қирғизистонда биринчи марта азон айтувчилар (муаззинлар) конкурси бўлиб ўтади, бу ҳақида Қирғизистонда Республикаси Мусулмонлар диний бошқармаси хабар қилади. Муфтийликда хабар беришларича, конкурс республика миқёсида бўлиб ўтади ва Бишкек шаҳрида 27 апрель куни бошланади. Конкурс қатнашчилари 2018 йилнинг ноябрида саралаб олинган эди.
12 апрель куни минглаб ультраортодоксал яҳудийлар Исроилдаги, АҚШнинг Нью-Йоркдаги Квинси районидаги таълим муассасалари учун хайрия тўплаш учун Артур Эш стадионида тўпландилар. Яҳудий-ортодоксларнинг стадионда тўпланиши маҳаллий аҳолида қизиқиш уйғотди.