Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Саудия қирол оиласи аъзолари мухолифатчи-журналист Жамол Хашукджи ўлдирилгандан кейин ҳозирги валиаҳд шаҳзода Муҳаммад бин Салмоннинг қирол лавозимига даъвогар эканлигига қарши чиқмоқда – бу ҳақида яхши хабардор бўлган манбалар Reuters га хабар берди.
АҚШ президенти Дональд Трамп миллиардлаб доллар ёрдам кўрсатилганига қарамай, Покистон АҚШ учун ҳеч нарса қилгани йўқ, деган баёнотидан сўнг Покистон бош вазири Имрон Хон унга қарши ғазабли нутқ билан чиқди. Бош вазир лавозимини шу йилнинг август ойида эгаллаган Имрон Хон ўзининг Америкага қарши риторикаси билан машҳур бўлиб, бу сафар ҳам Трампнинг сўзларини жавобсиз қолдирмади, деб хабар беради Channel News Asia.
Оқ уй маслаҳатчиси ва АҚШ президентининг қизи Иванка Трамп ижтимоий тармоқда сиёсатчи-муслима Илхон Умарни қўллаб-қувватлайдиган сўзлар ёзилган қайд қолдирди. Эслатиб ўтамизки, Илхон Умар АҚШ Конгресси вакиллар палатаси янги таркибига сайланди ва конгрессменлар орасида биринчи ҳижобли аёлга айланади.
Кеча Санкт-Петербург шаҳар судида судья Елена Широкова Умарали Назаров – полиция бўлинмасида олиб қўйилган ва шу куниёқ касалхонада тўсатдан вафот этган беш ойлик гўдакнинг онасини Россия ҳудудида ташқарига чиқариб юбориш ҳақидаги биринчи инстанция судининг қарорини кучда қолдириш ҳақида қарор қабул қилди.
Беньямин Нетаньяхунинг ХАМАС ва Ғазо секторидаги бошқа қуролланган гуруҳлар билан вақтинчалик сулҳ тузиши Исроил ҳукумати ва Исроил жамиятида ҳақиқий ихтилофга сабабчи бўлди. Ҳукуматни қирғий Авигдор Либерман тарк этди, бошқалар - Нафтали Беннент ва Айелет Шакед – ҳукумат таркибида қолган бўлсада, Нетаньяху фикрига қарши эканлигини ошкора айтди.
Чеченистон республикасида Пайғамбаримиз Муҳаммад соллоллоҳу алайҳи васаллам туғилган ойда дунёга келган ўғил болаларнинг ҳар иккитадан биттаси унинг шарафига Муҳаммад деб исм қўйилди. Қолган чақалоқларга эса исломдаги бошқа пайғамбарларнинг исмлари қўйилди.
Хитой ҳукумати миллиондан ортиқ этник хитойликларни уйғурлар турмуш тарзида исломнинг ҳар қандай кўринишлари ҳақида хабар бериб туриш учун Шинжон автоном районида истиқомат қиладиган уйғур оилаларга жўнатди. «Уйнинг уйғур хўжайини қўшниси билан араб тилидаги «ассалому алайкум» сўзларини айтиб сўрашдими? Буни дарҳол ёндафтарга ёзиб қўйиш керак», - изоҳ беради америкалик антрополог Даррен Байлер, иқтибос келтиради scoop.co.nz.
Жанубий Африка Республикасида бир эркак ўн яшар қизининг номусини поймол қилган 66 яшар насронийлар руҳонийсини жинсий аъзосидан маҳрум қилди. Хабар қилинишича, уларнинг гўдак қизи зўравонлик қурбонига айлангани ҳақида отага унинг рафиқаси айтиб берган. Бу воқеа черков биносининг ўзида рўй берган экан.
Чеченистон раҳбари Рамзан Қодиров мусулмонларни Мавлид ан-Наби – Пайғамбаримиз Муҳаммад соллоллоҳу алайҳи васаллам таваллуд топган кун билан табриклади. Унинг сўзларига кўра, Аллоҳнинг Расули дунёга келиши ажойиб ҳодиса бўлган. «Бу кун бизга ҳар бир мусулмон учун йўл-йўриқ ҳисобланган одамларнинг энг яхшиси ҳаёти ва таълимоти ҳақида эслатиб туради.
Саудия Арабистони ижтимоий тармоқларида қироллик аҳолисини Туркия курортларида дам олишдан воз кечишга даъват қиладиган кенг кўламли кампания бошланди. Бунга Туркия ҳукумати томонидан ар Риёдга мухолифатчи-журналист Жамол Хашукджининг ўлдирилиши туфайли кўрсатилаётган босим сабабчи бўлди.
Мисрда Пайғамбаримиз Муҳаммад соллоллоҳу алайҳи васаллам таваллуд топган кун муносабати билан кенг кўламли тадбир бўлиб ўтди, хабар беради muftyat.kz. Тадбир доирасида мамлакат президенти Абдулфаттоҳ Сисий Ислом таълимотининг равнақига муносиб ҳисса қўшган бир қатор олимлар ва мутафаккирларни тақдирлади.
28 ноябрь куни Саратов шаҳридаги Ислом комплекси ҳудудида «Эзгу қалб» донорлик акцияси бўлиб ўтади. Саратов вилояти Мусулмонлар диний бошқармаси кўмагида «Родник» аёллар жамоат ташкилоти шундай ташаббус билан чиқди. Бу тадбир ҳар йили Рабиъул-Аввал ойида – Пайғамбаримиз Муҳаммад соллоллоҳу алайҳи васаллам таваллуд топган ойда бўлиб ўтади.
Қозон шаҳри ҳокимлиги татар миллий фаолларига Татаристон суверенитети ёки татар миллати билан боғлиқ тадбирлар ўтказишда мунтазам равишда рад жавоби бериб келмоқда. Рад жавоб берилмаган ҳолатда ҳам, шаҳар четидаги одам кам борадиган жойларда рухсат берилган.