Ўн биринчи асрдан бошлаб Хоразмнинг ғарби-шимолидан тортиб то Днепр дарёсигача бўлган ерлар «Дашти қипчоқ» деб аталган. Бу атамани дастлаб шоир Носир Хисрав (1003-1088) қўллаган. Ўн тўртинчи аср бошларидан Дашти қипчоқнинг шарқий қисми «Ўзбеклар мамлакати», аҳолиси эса «ўзбеклар» деб атала бошлаган. Ўн бешинчи асрнинг 20-йилларида Шарқий Дашти қипчоқни аста-секин Абулхайрхон эгаллади ва бу ҳудудда кўчманчи ўзбеклар давлатига асос солди.