(Абу Усома) Абу Абдуллоҳ Зайд ибн Аслам ал-Адавий ал-Маданий, таниқли тобеъинлардан. Умар ибн Хаттобнинг мавлоси, ҳадис ровийларидан. Мадинада энг етук муфассир сифатида танилган. Масжидун-Набавийда тафсир ва ҳадис илмидан дарс берган. Ўғли Абдураҳмон ва Мадина имоми Молик ибн Анас, Имом Ҳусайннинг ўғли Зайнулобидин ундан илм ўрганишган. Саҳобийлардан ривоят қилган ҳадислари «Кутуби ситта»га кирган. Ҳижрий 136 (милодий 753) йили вафот этган.