Луғатда «артмоқ, тозаламоқ» деган маъноларни билдиради. Истилоҳда оғиз ва тишларни тозалаш учун ишлатиладиган махсус тиш тозалаш воситаси, яъни арок дарахти шохидан ясалган буюм (ёки тиш чўткаси) ишлатиш «мисвок» дейилади. Уламоларимиз таҳорат олган одамнинг мисвок қилиши суннати муаккада (таъкидланган суннат) дейишган. Бу ҳақда Пайғамбар алайҳиссаломдан ўнлаб ҳадиси шарифлар келган, жумладан: «Агар умматимга машаққат бўлишини ўйламаганимда, албатта уларни ҳар бир намоз олдидан мисвок қилишга буюрган бўлар эдим» (Бухорий ва Муслим).