Луғатда мудаллас «сотиб олувчидан нарсанинг айбини яшириш» маъносини билдиради. Уламолар истилоҳида эса ҳадис иснодидаги айбни яшириб ва зоҳири чиройли қилиб кўрсатилган ҳадис «мудаллас ҳадис» деб аталади. У икки катта қисмга: «тадлис ал-иснод» ва «тадлис аш-шуйух»га бўлинади. Кўп уламолар «тадлис ал-иснод»ни мазаммат қилиб жуда макруҳ, дейишган. «Тадлис аш-шуйух»нинг кароҳияти ундан енгилроқдир.