Яъқуб ибн Усмон ибн Муҳаммад ал-Ғазнавий ал-Чархий, тасаввуфнинг атоқли шайхларидан, Баҳоуддин Нақшбанднинг тўртинчи халифаси, Хожа Аҳрор Валийнинг устози бўлган. Милодий 1363 йилда Афғонистоннинг Ғазна шаҳрига қарашли Чарх қишлоғида туғилган. Бухоро, Ҳирот, Мисрда таълим олган. Қуръони каримга тафсир («Тафсири Чархий») ёзган. Фиқҳ, ақоид, ҳадис ва тариқатга доир ўнга яқин асари, жумладан «Рисолаи қудсия», «Рисолат ул-абдолия», «Рисола дар сийрати Муҳаммадийя», «Рисола дар илми фароиз», «Рисола дар ақоид» каби китоблари бор. Ҳижрий 851 (милодий 1447) йилда ҳозирги Деновда вафот этган.