Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
ЖССТ Буюк Британияда аниқланган янги коронавирус штамми ҳақида хабарга изоҳ берди. Ташкилот Лондон билан яқин алоқада эканини таъкидлади. Британия мутахассислари ЖССТ билан таҳлил ва жорий тадқиқот натижаларини бўлишмоқда.
Франция аҳолисининг қарийб 60 фоизи президент Макрон ва бош вазир Жан Кастексдан норози. Бу ҳақида Франция жамоатчилик фикрини ўрганиш институти (IFOP) томонидан ўтказилган сўнгги онлайн сўров натижалари далолат беради. Сўров 9 декабрдан ва 17 декабргача ўтказилган ва 18 ёшдан ошган 1936 кишини қамраб олган.
17 декабрь куни Миср фатволар Маркази (Дар Ал-Ифтаа) коронавирус юқишидан қўрққанлар учун жума намозида бўлмаслик жоизлигини тасдиқлади. Шунингдек, янги фатвога кўра, коронавирус инфекцияси билан касалланганлар масжидда мажбурий жума намозига қатнаши тақиқланади.
Хитой ташқи ишлар вазирлиги матбуот котиби АҚШнинг президентлик сайловларида Хитойнинг таъсири ҳақида даъволарни сохта деб атади. АҚШнинг президентлик сайловларида Хитойнинг таъсири ҳақидаги даъволар "мутлақо уйдирмадир". Бу ҳақида Хитой ТИВ матбуот котиби Ван Вэньбинь баёнот берди, деб хабар қилади Синхуа агентлиги.
Қозоғистон биринчи президенти Нурсултон Назарбоев Республика аҳолисини Мустақиллик куни билан табриклаб, қозоғистонликлар “бепоён даштларнинг қонуний ворислари” эканини таъкидлади. Назарбоев мурожаатининг матни Елбасы.kz сайтида жойланди.
Эрон президенти Хасан Роуханий АҚШ раҳбари Дональд Трампни террорчи деб атади ва Эрон Ислом Республикаси унинг сайловларда мағлуб бўлганидан хурсанд эканлигини айтди. Сиёсатчи чоршанба куни шундай баёнот берди, деб хабар қилади ТАСС.
Халқаро жиноий ишлар бўйича суд Хитойда уйғур мусулмонларининг оммавий равишда ҳибсга олингани юзасидан тергов ўтказмасликка қарор қилиб, бу ҳуқуқ ҳимоячилари кўнглини қолдирди. Гаагадаги прокуратуранинг маълум қилишича, бу босқичда Хитойда инсониятга қарши ва геноцид жиноятларида айблаш бўйича тергов ўтказа олмайди, чунки мамлакат суд қатнашчиси эмас ва унинг юрисдиксиясига киритилмаган, хабар қилади IslamNews сайти New York Times га таяниб.
Ўзбекистоннинг расмий захира активлари 32,8 млрд долларга етди ва кетма-кет тўртинчи ой давомида пасайишда давом этмоқда, деб хабар бермоқда gazeta.uz. Ўзбекистон ялпи олтин-валюта захираларининг ҳажми 1 декабрь ҳолатига кўра 32,8 млрд. долларни ташкил этди, бу кўрсаткич пасайиши ўтган ойга нисбатан 463 млн. долларни ташкил этди, деб хабар беради Марказий Банк.
Интернетда туҳмат учун жиноий жавобгарликни кучайтириш тўғрисидаги қонун лойиҳаси Давлат Думасига тақдим этилди. Қоидабузарлар 1 миллион рублгача жарима ёки икки йилгача қамоқ жазосига маҳкум этилиши мумкинлиги таклиф қилинмоқда.
Масжидда ибодат пайти кекса муаззинга ҳужум қилган британияликка нисбатан суд ҳукми чиқарилди. Эслатиб ўтамиз, мусулмон оқсоқоли Рафат Маклад 20 феврал куни Лондондаги Марказий масжидда бевосита жамоа намози вақтида ҳужумга учраган эди. Риджентс-Парк масжидининг 70 ёшли муаззиннинг бўйин соҳасига 30 ёшли Дениел Хортон, собиқ бошпанасиз одам пичоқ санчди.
Саудия Арабистони соғлиқни сақлаш тизими вакиллари якшанба куни коронавирус устидан ғалаба қозонилгани ва COVID-19 назорат остида эканини эълон қилди. Қиролликда бир кунда фақат 139 та янги касалланган ҳақида хабар берилган, март ойида пандемия бошланганидан бери бу кўрсаткич биринчи марта 150 тадан пасайди.
БМТнинг инсон ҳуқуқлари бўйича олий комиссари Мишел Бачелет Amad News янгиликлар портали раҳбари қатл этилганини қоралади. БМТнинг инсон ҳуқуқлари бўйича олий комиссари Мишел Бачелет Эронда Amad News янгиликлар портали раҳбари Рухулла Зам қатл этилганини қоралади.
3 ноябрда бўлиб ўтган Оқ уй раҳбари сайловининг якунлари расман тасдиқланди. Қўшма Штатларда 538 делегатдн иборат бўлган сайлов коллегияси Джо Байденни мамлакатнинг 46-президенти сифатида расман тасдиқлади. Сайлов коллегиясинин мажлиси 50 та штатда ва Вашингтонда бўлиб ўтди.