Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Германия ва Болгария 10 декабр саммитида Туркияга қарши санкцияларни тўсиш учун энг юқори даражали Европа Иттифоқи давлатлари қаторига кирди, дея хабар бермоқда EurActiv медиа тармоғи ўз манбаларига таяниб. «Германия канцлери Ангела Меркель ва Болгария бош вазири Бойко Борисов Анқарага қарши санкцияларга ошкора қарши чиққан етакчиларга айланди», - дейди дипломатик манбалар.
Лондонда карантин чоралари кучайтирилди. Лондон ва унинг атрофидаги ҳудудларда COVID-19 туфайли карантин чекловлари энг юқори даражага эга бўлади – Буюк Британия пойтахтида касаланганлар сони тез ўсиб бормоқда. Бу ҳақида душанба куни Британия соғлиқни сақлаш вазири Мэтт Хэнкок маълум қилган, дея хабар беради ВВС.
Мухолифатчи Алексей Навальный ўз сайтида жойлаган «пост»да уни заҳарлашга уринганлар исмини айтди. Унинг сўзларига кўра, ФСБ криминалистика институти махфий бўлинмасидан тиббий ва кимёвий маълумотга эга бўлган саккиз ходим уни заҳарлашга алоқадор. ФБК тергов бўлими Bellingcat, The Insider ва CNN билан биргаликда Der Spiegel иштирокида шундай хулосага келди.
Саудия Арабистони Муқаддас Макка шаҳрида чигирткалар тўдасини ўз назоратига олгани ва барҳам топганини маълум қилди. Бу зараркунандалар босқини сўнгги йилларда қиролликни безовта қилаётган муаммодир. Атроф-муҳит, сув ресурслари ва қишлоқ хўжалиги вазирлиги бош директори Саид Джаралла ал-Ҳамдийнинг сўзларига кўра, ишчилар жамоаси ҳашаротларга қарши инсектицидлар қўллаган.
Бошланғич мактабларда ҳижобнинг тақиқланиши ноқонуний, деб тан олинди. Австрия Конституцион суди қарорига мувофиқ, тақиқ мусулмон аҳолисига қарши йўналтирилган ва болаларнинг таълим тизимидаги ҳуқуқларини камситади. Бу ҳақида Австрия Конституцион суди Кристоф Грабенвартер брифингда маълум қилди. Судья фақат мусулмон аҳоли учун диний либослар тақиқланишини номақул, деб тан олди.
Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссияси баёноти эълон қилинди.
Чоршанба куни, маслаҳатчилар иштирокидаги суд мажлиси 2017 йил Миннесотада масжид портлатилиши муносабати билан нафрат асосидаги жиноятлар ва фуқаролик ҳуқуқларининг бузилишида Иллинойс ультра-ўнг милиция гуруҳи раҳбарини айбдор деб топди.
Эрон шиа муллалар ҳукумати давлат фаровонлигига қарши жиноятда айбланган "Амад ньюз" мухолифатчи телеграм-канал раҳбари Рухулло Замга чиқарилган ҳукмни ижро этди. Бу ҳақида "Меҳр" агентлиги ҳабар килди. Журналист 12 декабрь, шанба куни тонгда осиб ўлдирилди, деб аниқлаштиради Озодлик радиосинниг Эрон бўлими.
Ўзбекистон Республикаси Президенти Шавкат Мирзиёев 11 декабрь куни Озарбайжон Республикаси Президенти Илҳом Алиев билан телефон орқали мулоқот қилди. Давлатимиз раҳбари Озарбайжон Президентини Тоғли Қорабоғда ҳарбий ҳаракатлар якунлангани билан самимий табриклаб, биродар мамлакатнинг дўст халқига тинчлик ва равнақ тилади. Томонлар Жанубий Кавказнинг бутун ҳудудида хавфсизлик ва барқарорлик таъминланишига умид билдирдилар.
Шу йил 10 декабрь куни Халқаро мусулмонлар форуми котибияти ва Россия мусулмонлари идораси ташаббуси билан Zoom платформаси орқали “Мулоқот маданияти: пандемия давридаги диний одоб-ахлоқ” мавзусидаги XVI халқаро мусулмонлар анжумани бўлиб ўтди.
Франция президенти Эммануэл Макрон ўнлаб инсон ҳуқуқлари гуруҳларининг қаршилигига қарамай, Миср диктатори Абдулфаттоҳ Сисининг Парижга ташрифи вақтида Мисрда инсон ҳуқуқларининг бузилиши масаласини кўтаришдан бош тортди.
Қамоқдаги ўлим жазосига ҳукм қилинган машҳур Ислом олими ва мутафаккири Салмон Авда соғлиғига тиклаб бўлмайдиган даражада путур етказди. Бу ҳақида уламонинг ўғли Абдуллоҳ ўзининг Твиттердаги саҳифасида маълум қилди. Аввалроқ, уч йилдан ортиқ қамоқда ўтирган Салмон Авданинг соғлиғи жиддий ёмонлашгани ҳақида хабар берилган эди. Биринчи кунларданоқ олим шу кунгача қолган ёлғиз камерада ушлаб келинган.
Помпео: санкциялар Пекин сиёсатига қўшилмайдиган фуқароларга таҳдид қилишда гумон қилинаётганларга қўлланилади. Қўшма Штатлар Пекин сиёсатига қўшилмайдиган фуқароларга таҳдид қилишда гумон қилинган Хитой расмийларига, Хитой Коммунистик партияси (ХКП) аъзоларига нисбатан санкциялар киритди. Бу ҳақида АҚШ Давлат котиби Майк Помпео айтиб ўтди.