Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
АҚШ ҳукумати агарда ByteDance унинг америка сегментини сотмайдиган бўлса, TikTok иловасини тақиқлашнинг энг охирги муддатини узайтириш ниятида эмас, дея хабар беради Рейтер агентлиги ўз манбаларига таяниб. Ўтган ҳафтада АҚШ халқаро инвестициялар бўйича қўмитаси TikTok иловасини тақиқлашнинг энг охирги муддатини 4 декабргача узайтирганди.
Чеченистон муфтийси Салах Межиев аёлларнинг юзини бекитиб турадиган ва фақат кўзлар учун очик жой қолдирилган бош кийим – “ниқоб” кийишнинг тақиқланишига рози бўлмаганларни танқид қилди, деб ёзади Кавказ.Реалии. Бу тақиққа рози бўлмаганларни Межиев “ваҳҳобийлар” ва “Аллоҳнинг душманлари” деб атади. Унинг сўзларига кўра, Чеченистонда яшовчи аёллар анъанавий либосларда юришлари керак.
АҚШ ва Исроил билан Эрон ўртасида қуролли тўқнашув хавфи ҳозирча йўқ. Бу фикрни Джордж Мейсон университети томонидан ташкил этилган онлайн семинарда АҚШнинг Эрон ва Венесуэла бўйича махсус вакили Эллиотт Абрамс билдирди.
Иордания Исроил Саудия Арабистонига Қуддусдаги Исломий муқаддас жойларни назорат қилишни таклиф қилганидан хавотирда. Бу ҳақида Исроил матбуотига таянган ҳолда MIGnews ахборот агентлиги ёзмоқда.
Сурия ва Ливияда жойлашган "Ислом давлати" халқаро террорчилик гуруҳи жангарилари Рождество байрамлари арафасида Европа мамлакатларида бир қатор террорчилик ҳужумларини тайёрламоқда. Бу ҳақида Британия разведкаси собиқ ходими Аймен Динга таяниб, Daily Mail хабар бермоқда.
Франция мусулмонлар эътиқоди бўйича Кенгаш (CFCM) вакиллари шу ҳафта мамлакат имомларининг "республика қадриятлар устави"га содиқлигини тасдиқлаш учун президент Макрон билан учрашиши керак. Франция ҳукумати 9 мусулмон ташкилотини ифодаловчи Кенгашнинг диний арбоблар республика қадриятларига ишониш, "сиёсий Ислом" ни инкор этиш ва ташқи таъсирга йўл қўймаслик ҳақидаги матнни имзолашни талаб қилмоқда.
Ҳиндистон миллатчи ультра-ўнглар партияси Шив Сена мамлакат федерал ҳукуматини масжидлар динамикларидан азон янграшини тўхтатиш чораларини кўришга чақирди, дея хабар бермоқда IslamNews сайти NDTV га таянган ҳолда.
Мусулмон шифокор Сайрагул Саутбай Хитойда концлагердан 2 йилдан ортиқ вақт олдин озод этилган, лекин у ҳибсда бўлган пайтлари бошидан ўтказган даҳшатлар ҳақида хотиралардан ҳали ҳам қутула олмаяпти. Al Jazeera га берган интервьюда доктор Саутбай унга ва бошқа мусулмонларга зўрлаб чўчқа гўшти едирганлари ҳақида сўзлб берди.
Бугун, 4 декабрь куни Ўзбекистон мусулмонлари идораси раиси, муфтий Усмонхон Алимов ҳазратлари Тошкент вилояти Зангиота туманидаги “Имоми Аъзам” жоме масжиди янги биносининг очилиш маросимида қатнашиб, маъруза қилдилар.
Франция ички ишлар вазири Жералд Дарманеннинг айтишича, мамлакат ҳуқуқ-тартибот идоралари диний экстремизмга қарши кенг кўламли ва мисли кўрилмаган кампания ўтказади. ВВС га кўра, кампания доирасида амалдор "сепаратизм"да гумон қилинган 76 масжидни текширувдан ўтказади. «Ёпилиши керак бўлган масжидлар ёпилади», - дейди вазир.
Туркия президенти Америка мусулмонлар уюшмасининг 23-йиллик Конгресси иштирокчиларига мурожаат қилди. Бу йил биз нафақат коронавирус инфексиясининг янги тури (COVID-19), балки дунёда COVID-19дан кўра тезроқ тарқалаётган мусулмонларга душманлик вируси билан ҳам курашишга мажбур бўлдик.
Франция бўйлаб 130000 дан ортиқ киши ахборот эркинлигини қўллаб-қувватлаш ҳаракатларида иштирок этди, дея хабар беради BFMTV ички ишлар вазирлигига таяниб. Парижда 46000 га яқин иштирокчи кўчаларга чиқди. Пойтахтдаги юриш тинч йўл билан бошланган, бироқ кейинроқ безорилар машина ва киоскаларга ўт қўйиб, полицияга тош ва шиша идишлар отишган.
ОАВ ва магазинлар «қора жума» атамасидан фойдаланмасликлари лозим, деб огоҳлантирди Нигерия шимолидаги Кано штати ислом полицияси, дея хабар беради BBC. Ҳуқуқ-тартибот органлари фикрига кўра, "қора жума" атамаси мусулмонлар учун ҳақоратли, чунки жума ҳафтанинг муқаддас куни.