"Жуббали Аҳмад Ҳожа" номи билан танилган Аҳмад Маҳмуд Ўнлю, "Ғавс" лақабли Манзил тариқати етакчиси Абдулбоқий Эрол вафотидан сўнг шайхлик ва мерос талашиб рақобатга киришган Муҳаммад Соқий Эролни зиёрат қилди. Тариқат етакчилигига даъво қилаётганлардан бирининг қўлини ўпиб, суратга тушган Жуббали Аҳмаднинг бу хатти-ҳаракати эътиборни тортди.
Шайх Абдулбоқий Элҳусаний 12 июль куни вафот этган ва шундан сўнг эълон қилинган баёнотда уч кишига тавба бериш ваколати берилиши айтилган эди.
Энг кўп муриди борлиги айтилаётган катта ўғли Муҳаммад Соқийнинг миллиардлаб лиралар бошқариладиган тариқатга қарашли жамият ва муассасалардан чиқиб, янги йўл тутиши ўз-ўзидан баҳсларга сабаб бўлди.
Исмоилоға жамоатининг етакчиларидан бўлган ва Маҳмуд Устаосмонўғлу вафотидан кейин жамоат билан алоқалари ёмонлашган Жуббали Аҳмаднинг Муҳаммад Соқий Эрол билан суратга тушгани эътибордан четда қолмади.
ЖУББАЛИ МАНЗИЛГА ЎТДИМИ?
Суҳбатлари, ёнмайдиган кафан сотиши ва ҳаёт тарзи билан кўп баҳсларга сабаб бўлган Жуббали Аҳмаднинг Исмоилоға жамоати билан ораси бузилган шу пайтда Манзил тариқати етакчилигига даъво қилаётганлардан бири билан бундай суратга тушиши, тариқатлар ўртасида "трансфер" бўлиши мумкинлигини хаёлга келтирди.
"ҚЎЛЛАРИНИ ЎПИШНИ НЕЪМАТ БИЛАМИЗ"
Жуббали Аҳмад учрашувни ўзининг ижтимоий тармоқдаги саҳифасида суратли пост билан эълон қилди.
У ўз постида "Биз ҳақиқий шайхларнинг қўлларини ўпишни неъмат биламиз!" иборасини қўллаган Жуббали... (Исмоилоға жамоатида ҳақ йўқ, янги шайх ва янги тариқатга ўтинглар дегандек бўлибди )