Президент Туркиянинг ўт очишни тўхтатиш ва мустаҳкам тинчлик ўрнатиш йўлидаги саъй-ҳаракатларини давом эттираётганини эслатди
Президент Ражап Таййип Эрдўған TÜGVA ёшлар йиғилишида нутқ сўзлади.
Президент ёшларга мурожаатида Ғазодаги вазият ва Исроил-Фаластин можаросига алоҳида эътибор қаратди.
Эрдўған Ғазода содир бўлаётган воқеалар барча чегараларни кесиб ўтганини қайд этди. Президентнинг фикрича, Нетаняху бошчилигидаги Исроил ҳукумати қотилдир.
Туркия давлат раҳбари Исроилни рағбатлантирган ва қўллаб-қувватлаётган Америка ва Европа давлатлари аёллар ва болалар қотилларининг ҳомийлари сифатида тарихга кирганини таъкидлади.
Президент Эрдоған нутқини қуйидаги сўзлар билан давом эттирди: «Ҳамас, албатта, улар даъво қилганидек бир ташкилот эмас. Аксинча, ўз жони эвазига ватанини, ерларини ҳимоя қиладиган қаршилик ҳаракатидир».
Президент Туркиянинг ўт очишни тўхтатиш ва мустаҳкам тинчлик ўрнатиш йўлидаги саъй-ҳаракатларини давом эттираётганини эслатди. Унинг қўшимча қилишича, Фаластин бирлигини таъминлаш учун барча томонлар билан музокаралар давом этмоқда.