«Биз Ойни тадқиқ этиш бўйича амирликнинг янги лойиҳасини ишга туширдик», - деди у Twitter орқали сешанба куни. «Бу Амирликда ишлаб чиқарилган луноход бўлади ва 2024 йилга келиб Ой юзасига қўнади».
Ушбу лойиҳа БАА учун илк кадам бўлмоқда. Шу тариқа улар Ойга саёҳат уюштирган биринчи араб мамлакати бўлади.
БАА космик тадқиқотлар оламига янги келган бўлишига қарамай, у жадал ривожланмоқда.
2019 йил сентябр ойида нефтга бой мамлакат биринчи БАА фуқаросини Қозоғистондан саккиз кунлик парвозга чиққан «Союз» ракетасида йўлга чиққан уч кишилик экипажнинг бир қисми сифатида космосга юборди.
Июль ойида БАА Араб дунёсининг биринчи сайёралараро миссияси доирасида Марсга мўлжалланган «Умид» зонди билан Япониядаги Танегасима космик марказидан учувчисиз космик кемани ишга туширди.
Шайх Муҳаммад шуни ҳам айтдики, марсоход унинг Дубайни модернизация қилган отаси шарафига «Рашид» деб аталган ва у «аввалги тадқиқот миссияларида ҳали етиб борилмаган ҳудудлар»ни қамраб олади.
У Ойга парвозлар мамлакатнинг янги илмий-техник имкониятлар яратишга қаратилган космик стратегиясининг бир қисмига айланишини қўшимча қилди.
Дубай матбуот хизматининг маълум қилишича, 10 килограммлик вездеход воситаси 2117 йилга келиб Марсда биринчи турар-жойни қуриш ҳаракатининг ажралмас қисми бўлади.
БААнинг қимматбаҳо космик тадқиқотлар миссиялари мамлакат иқтисодий инқирози, нефт нархининг пастлиги, коронавирус инқирози ва давлат харажатлари юқорилиги даврида амалга ошириляпти - уларнинг барчаси Абу-Дабининг узоқ муддатли молияси борасида ташвиш уйғотади.